Tramp: “Aralıq seçkilərinin nəticələri ABŞ-ı keçmişə qaytardı”

ABŞ prezidenti Donald Tramp Konqresə keçirilən aralıq seçkilərin nəticələrinin ölkəni keçmişə qaytardığını bildirib.

Bizim.Media xəbər verir ki, Tramp bu barədə “Truth Social” sosial şəbəkəsində yazıb.

“Seçkilərin nəticələri Amerika üçün tarixdə nəhəng geriyə addım oldu. Hətta Trampın prezidentliyi dövründə raket kimi yüksələn fond bazarı bir gündə 3 trilyon dollar itirdi. Amma narahat olmayın, biz əvvəlkindən daha böyük və güclü şəkildə geri qayıdacağıq”, – deyə ABŞ prezidenti qeyd edib.

Qeyd edək ki, ABŞ-da aralıq seçkilər noyabrın 3-də keçirilib. Seçkilərdə Senatın üçdə biri, Nümayəndələr Palatasının bütün üzvləri, eləcə də 36 ştat və ərazinin qubernatorları seçilib. Yerli özünüidarəetmə orqanlarına da seçkilər keçirilib.

Hazırda Konqresin hər iki palatası respublikaçıların nəzarətindədir. Seçkilərin nəticələrinə əsasən formalaşacaq 120-ci çağırış Konqres 2027-ci il yanvarın 3-də fəaliyyətə başlayacaq.

Yeni çağırış Konqresin həm Nümayəndələr Palatasında, həm də Senatda çoxluğu demokratlar əldə edəcəklər.

Bizim.Media