İspaniyada qorxulu isti hava dalğası gözlənilir: yaxın günlərdə ölkənin bir çox bölgələrində temperatur kəskin yüksələcək, cənub hissəsində isə civə sütunu 38–40 °C-yə qədər yaxınlaşacaq.
Bizim.Media xəbər verir ki, bu barədə "Euronews" məlumat yayıb.
Həftə sonu ölkə ərazisinin böyük hissəsində sabit antisiklon hava şəraiti hökm sürəcək və göy üzü əsasən buludsuz olacaq. Yalnız şimalda — Qalisiya və Kantabriya sahillərində qısamüddətli yağışlar, Pireneydə isə günün ikinci yarısında ildırım çaxacağı ehtimal olunur.
Madrid, Sevilya və Kordova kimi şəhərlərdə temperaturun 34-36 °C-yə qədər yüksələcəyi, Qvadiana və Qvadalkivir çaylarının vadilərində isə istilərin pik nöqtəyə — 40 °C-yə çatacağı proqnozlaşdırılır.
Aralıq dənizi sahillərində isə dənizin təsiri ilə hava daha mülayim keçəcək: Barselonada gündüz 25–27 °C, gecə isə təxminən 20 °C isti gözlənilir. Kanar adalarında isə sürəti saatda 80 km-i ötən güclü şimal-şərq küləkləri əsəcək.
Sentyabr və sinoptiklər qeyd edirlər ki, hazırkı isti hava dalğası İspaniya tarixində yüksək temperatur səbəbindən ölüm hallarının artması ilə müşayiət olunan ən anomal və isti may ayından dərhal sonra qeydə alınır.
Bizim.Media
