Ankarada yaşayan 14 yaşlı Taylan 45 gün əvvəl evdən qaçıb. Taylan sərhəddi keçərək İraq İslam Şam Dövləti (İŞİD) qruplaşmasına qoşulub. Bir müddət sonra baş vermiş partlayış nəticəsidə ayağından yaralanan Taylanı Türkiyə ilə sərhəddə buraxıblar. Daha sonra Şanlıurfada xəstəxanaya yerləşdirilən uşağın atası Yaşar Yaradılmış ailələri uşaqlarına sahib çıxmağa çağırıb. Oğlundan gələn telefon zəngindən sonra Şanlıurfaya gələt ata yaralı oğlunu xəstəxanada tapıb.
Müalicəsi davam edən Taylan isə internetdə tanış olduğu 5 nəfərlə birlikdə Suriyaya getdiyini bildirib. İŞİD-lə bağlı aparılan təbliğatların təsiri ilə ailəsini tərk edən Taylan, başına gələnləri belə danışıb: "Biri azərbaycanlı olmaqla 5 nəfər idik. Kilisdə bir neçə şəxsə pul verərək Suriyaya keçdik. Burda bizi qarşılayan İŞİD üzvləri bizi Rakkaya apardı. Rakkada 1 ay qaldıq və bizə islami dərslər öyrətdilər. Qaldığımız bölgədə qarşıdurma yaşandı və partlayış baş verdi. Mən ayağımdan yaralandım. Daha sonra məni bir avtomobillə sərhəddə yaxın bir yerə gətirdilər. Sonra Türkiyə əsgərləri məni xəstəxanaya apardılar. Suriyaya birlikdə getdiyimiz şəxslər bir neçə gün qaldıqdan sonra peşman olub qaçdılar. Amma mən qayıtmadım. Evə geri dönmədiyim , İŞİD-ə qoşulduğum üçün çox peşmanam"
