Bir həftə əvvəl ana olan 13 yaşlı qızın körpəsi uşaq evinə YERLƏŞDİRİLDİ - ÖZƏL 

Bir həftə əvvəl Bakıda ana olan 13 yaşlı yeniyetmə hələ də xəstəxanadadır. Ev şəraitində ana olan azyaşlı  TƏBİB-in Elmi-Tədqiqat Mamalıq və Ginekologiya İnstitutunda müalicəsini davam etdirir.

Bu barədə məlumatı Bizim.Media-ya Azərbaycan Uşaqlar Birliyinin rəhbəri Kəmalə Ağazadə bildirib.
 

MÖVZU İLƏ BAĞLI:

Ana olan 13 yaşlı qız və körpəsi ilə bağlı SON MƏLUMAT 

Onun sözlərinə görə yeni doğulan körpənin Səhiyyə Nazirliyinin nəzdində yerləşən 1 saylı Körpələr Evinə yerləşdirilməsi ilə bağlı aktlaşdırılma aparılıb:

“Xətai rayonu İcra Hakimiyyəti ilə birgə biz bunu həyata keçiririk. Bu gün isə yeniyetmənin anasının şifahi müraciəti əsasında 13 yaşlı qızın Azərbaycan Uşaqlar Birliyinin sığınacağına yerləşdirilməsi ilə bağlı ərizəsi rəsmiləşdiriləcək. Yaxın zamanlarda yeniyetmə artıq normal təhsilini davam etdirəcək. Eyni zamanda sığınacaqda yaşayaraq, reablitasiyasını keçəcək”. 

Xatırladaq ki, 13 yaşlı qız sentyabrın 6-da ev şəraitində körpə dünyaya gətirib. Vəziyyəti kritikləşdiyindən ana xəstəxanaya yerləşdirilib. 13 yaşlı qız 15 yaşlı yeniyetmə tərəfindən təcavüzə uğraması nəticəsində hamilə qalıb. 

Alçina Amilqızı, Bizim.Media