Kürdəmirdə yol-nəqliyyat hadisəsi baş verib, xəsarət alan var.
Bizim.Media-nın Aran bürosu xəbər verir ki, hadisə Bakı-Qazax əsas magistral yolunun rayonun Qarabucaq kəndi ərazisindən keçən hissəsində qeydə alınıb.
Belə ki, “KİA” markalı avtomobilin qadın sürücüsü Ucar istiqmətində hərəkətdə olarkən qəfildən idarəetməni itirib.
Nəticədə avtomobil yoldan çıxaraq əvvəlcə yoldakı beton lövhəyə çırpılıb, daha sonra isə yol kənarına aşıb. Qəza zamanı bir nəfər müxtəlif dərəcəli bədən xəsarəti alıb.
Hadisə yerinə DYPB-nin əməkdaşları cəlb olunub və hadisənin baş vermə səbəbləri araşdırılır.
Bizim.Media, Aran bürosu
