Xocasən qəsəbəsində maşın vurması nəticəsində ağır xəsarətlərlə xəstaxanaya yerləşdirilən və 22 gündür ki, koma vəziyyətində olan Avropa.info-nun əməkdaşı Sahib İslamov artıq komadan çıxıb. Bu haqda Avropa.info-ya jurnalistin qardaşı Aqil İslamov məlumat verib. Onun dediyinə görə, Sahib İslamov komadan çıxsa da vəziyyəti ağır olaraq qalır.
" Həkim bildirdi ki, artıq komadan çıxıb,amma nitqi ilə bağlı problem yaranıb. Yəni ki, nitqinin bərpa olunması ilə bağlı problem var. Artıq gözlərini açıb ,lakin tam şəkildə özünə gəlməyib. Həkimlər onun reanimasiyadan ümumi şöbəyə köçürülməsi üçün tamamilə hissiyatının bərpa olunmasını gözləyirlər. Bundan sonra Sahibin üzərində əsas əməliyyatlıar həyata keçiriləcək. Şükür Allaha ki, qardaşım yaşayır."
