Azərbaycanlı milyarder Telman İsmayılov “Rosbalt” agentliyini məhkəməyə verib.
İsmayılov məhkəmədə agentliyə qarşı şərəf, ləyaqət və işgüzar nüfuzunu zədələnməsi iddiası qaldırıb.
xa0
İş adamı agentlikdən 1 milyon rubl (165 minxa0 manat) dəyərində təzminat tələb edir.
İsmayılovun iddiası agentlikdə nəşr olunmuş 7 məqalə ilə əlaqədardır. Bunlardan 5-nin müəllifi Yuri Verşov, qalan ikisinin müəllifi isə göstərilməyib.
Iddiaçı tərəf cavabdeh tərəf kimi Yuri Verşovu, “Rosbalt” agentliyini və agentliyin baş redaktoru Nikolay Ulyanovu göstərib.
xa0
İsmayılovun vəkili Marina Rusakova bildirib ki, agentlikdə iş adamının adına Rusiyanın İstintaq Komitəsinə istinadən yalan məlumatlar dərc edilib.
“Rosbaltın” baş redaktoru hadisə ilə bağlı tam məlumatlı olmadığını və vəkilllərlə məsləhətləşməli olduğunu bildirib.
xa0
Qeyd edək ki, Çerkizov bazarının keçmiş sahibi Telman İsmayılov 2017-ci ildə iki qətl hadisəsi və qanunsuz silah ticarətində günahlandırılıb. 2016-cı ildə baş vermiş bu ikili qətl hadisəsinə görə iş adamının qardaşı Rafiq İsmayılov və Mehman Kərimov saxlanılınb. Mehman Kərimov təhqiqatla razılığa gəlib. Beləliklə İsmayılovun digər qardaşı Vaqif İsmayılov da həbs edilib. 2017-ci ildə Rusiyanın İstintaq Komitəsi Telman İsmayılovu beynəlxalq axtarışa verib. İş adamının həmçinin İnterpola da axtarışa verilməsi üçün prokurorluğa sənədlər göndərilib. İsmayılovun özü 2017-ci ilin noyabrında həyatı boyu bir dəfə də olsun cinayət işləmədiyini bəyan edib.(Modern.azxa0)
