Ötən gün Xətai rayonunda ağaların “kreativ” üsulla məhv edilməsi ilə bağlı məlumat vermişdik.
Məqalədə paytaxtın Xətai rayonunda ağacların kütləvi məhv edilməsinə dair növbəti faktı ictimailəşdirmişdik. Bu dəfə Xətai rayonunun Əhmədli massivində, Məzahir Rüstəmov küçəsində, 7 saylı poliklinikanın yaxınlığındakı ticarət şəbəkəsininin genişləndirilməsi məqsədi ilə 3 qocaman ağac tikinti altına salınmışdı.
Bizim.Media bu faktı ictimailəşdirdikdən sonra müvafiq qurumlar hərəkətə keçib.
MÖVZU İLƏ BAĞLI:
Xətaidə ağacların məhv edilməsi üçün “KREATİV ÜSUL” – FOTOFAKT
Tikinti işləri dayandırılıb və müvafiq söküntü işləri aparılıb. Yeni tikili bir qədər geri çəkilib. Ağacların gövdəsi tikinti altından çıxarılıb.
Lakin, ağacların dibi yenə də tikinti altınaq qalıb. Bu isə yaxın gələcəkdə həmin ağacların qurumasına səbəb olacaq faktdır.
Bir sözlə, problem hələ də tam həll edilməyib.
Surxay Atakişiyev, Bizim.Media
