Politoloq Natiq Miri mətbuata verdiyi son açıqlamasında Milli Şuranın
AXCP və Müsavat partiyalarına qarşı qurulan bir təşkilat olduğunu bildirib.
Politoloqun sözlərinə görə, müxalifətin
birliyini istəməyən qüvvələr Milli Şuranı yaradaraq Müsavat və AXCP-ni oyuna gətiriblər.
Mövzu ilə əlaqədar olaraq Moderator.az-ın sualını cavablandıran AXCP
sədrinin müavini, Milli Şura üzvü Asəf Quliyev Natiq Mirinin fikirlərinin qərəzli olduğunu
bildirdi:
“Bu tamamən yanlış fikirdir. AXCP
və Müsavat partiyaları hələ 2010-cu ildə birləşərək İctimai Palatanı təsis
edib. Biz bu qurumu yaradan zaman məqsədimiz müxalifətin daha böyük birliyinə
nail olmaq idi”. AXCP funksionerinin bildirdiyinə görə, onların bütün addımları
qarşıdan gələn prezident seçkilərinə hesablanıb:
“2011-ci ilin əvvəlində AXCP- məclisinin toplantısı zamanı partiyamız
əsas strategiyamızı müəyyən etdi. Sədrimiz
Əli Kərimli hələ o dövrdə qeyd etmişdi ki, müxalifətin vahid namizədi olacağı
halda, partiyamız bu namizədə tam dəstək olacaq. Milli Şura AXCP və Müsavatın
birgə yaratdığı təşkilatdır. Biz bu qurumda təmsil olunmağa görə peşman deyilik
. Heç kim AXCP və Müsavatı aldada bilməz.
Natiq Mirinin bu fikirləri qərəzdən
başaq bir şey deyil”
Xəyal Əzizov
