Xanımı ilə dalaşan Əməkdar artist özünü körpüdən atdı

Rusiyanın Əməkdar artisti, opera müğənnisi və aktyor German Yukavski Moskvada özünü körpüdən çaya atıb.

Bizim.Media xəbər verir ki, hadisə Bolotnaya sahilində baş verib.

İlkin məlumata görə, aktyorun bu hərəkətinə səbəb həyat yoldaşı ilə mübahisə etməsi səbəb olub.

Yıxıldıqdan sonra o, çayı təkbaşına üzməyə çalışıb. Xilasedicilər onu sudan çıxararaq Qorki Parkı körpüsünə aparıblar.

Müğənni çiyin xəsarətləri alıb, qollarında və kürəyində qançırlar olub. Həmçinin iddia edilir ki, xilas edildikdən sonra onun davranışı aqressiv olub. Yukavski qışqırıb və təcili yardım işçilərini itələməyə çalışıb. Onun psixiatrik xəstəxanaya göndərilməsi planlaşdırılır.

Qeyd edək ki, German Yukavski Pokrovski adına Moskva Dövlət Akademik Kamera Musiqili Teatrının solistidir. 2008-ci ildə Rusiyanın Əməkdar artisti adına layiq görülüb. 2010-cu ildə "Qızıl Maska" mükafatına namizəd göstərilib. O, "Sakit Don" və "Cərrah" teleseriallarındakı rolları ilə tanınır.

Bizim.Media