Xameneinin müşaviri: "Hazırda ABŞ çarəsizlikdən danışıqlarda israr edir"

"Amerikanın “güc yolu ilə sülh” strategiyası vasitəsilə İranı təslim olmağa məcbur edəcəyi gözlənilirdi. İndi isə uğursuzluğa düçar olduqdan sonra, onlar çarəsizlikdən danışıqların aparılmasında israr edirlər".

Bizim.Media xəbər verir ki, bu fikri İranın Ali liderinin müşaviri Möhsün Rezayi regional müstəvidə gedən prosesləri şərh edərkən səsləndirib.

"Lakin düşmən vədinə əməl etmədiyini nümayiş etdirdi. Biz ehtiyatlı olmalıyıq; hər hansı bədbinlik və ya əsassız nikbinlik düşmən tərəfindən sui-istifadə ediləcək", - deyə Rezayi "X" sosial şəbəkəsindəki hesabında yazıb.

Qeyd edək ki, hazırda İran, ABŞ, Pakistan və Qətər nümayəndə heyətləri sülh sazişi üzrə danışıqlar aparmaq üçün İsveçrənin Bürgenştok kurortunda bir araya gəliblər.

Bununla belə, İsrail regional gərginliyi azaltmaq cəhdlərinə, həmçinin Vaşinqton və Tehran arasındakı mövcud razılaşmalara məhəl qoymayaraq Livanın cənubuna zərbələr endirməkdə davam edir.

Bizim.Media