Körpə ölümlərinin sayı 2 dəfə artıb – DƏHŞƏTLİ STATİSTİKA

Azərbaycanda 2025-ci ildə körpə ölümü göstəricisi 2020-ci illə müqayisədə həm şəhər, həm də kənd yerlərində artıb.

Bizim.Media xəbər verir ki, Dövlət Statistika Komitəsinin məlumatlarına əsasən, 2020-ci ildə hər 1 000 diri doğulana görə körpə ölümü göstəricisi qızlarda 8,6, oğlanlarda isə 10,9 olub.

2025-ci ildə bu rəqəmlər müvafiq olaraq 13 və 14,3-ə yüksəlib.

Şəhər yerlərində 2020-ci ildə hər 1 000 diri doğulana görə körpə ölümü göstəricisi qızlarda 11,9, oğlanlarda 16,4 olub. 2025-ci ildə isə qızlar üzrə göstərici 16,3-ə, oğlanlar üzrə 17,4-ə çatıb.

Kənd yerlərində də artım qeydə alınıb. Belə ki, 2020-ci ildə hər 1 000 diri doğulana görə körpə ölümü göstəricisi qızlarda 5,3, oğlanlarda 5,8 olduğu halda, 2025-ci ildə bu rəqəmlər müvafiq olaraq 10 və 11,6 təşkil edib.

Beləliklə, 2020–2025-ci illərdə körpə ölümü göstəricisi bütün müqayisə edilən qruplarda artıb. Ən böyük artım kənd yerlərində qız uşaqları üzrə qeydə alınıb: göstərici 5,3-dən 10-a yüksəlib.

Qeyd edək ki, bütövlükdə oğlan uşaqların ölümü qızlara nisbətən daha yüksəkdir.

Fəridə, Bizim.Media