Ağrını azaltmaq üçün bunları edin

Ağrını azaltmaq üçün soyuq (buz) və ya isti kompres tətbiq etməyin vaxtı və növü ağrının səbəbinə görə dəyişir. 

Bizim.Media xəbər verir ki, yeni yaranmış zədə və şişkinlik üçün soyuq kompres qan damarlarını daraldaraq ağrını və iltihabı azalda bilər.

Əksinə, uzun müddətli və xroniki ağrılarda, xüsusilə əzələ gərginliyi və sərtliyi varsa, isti kompres qan dövranını yaxşılaşdıraraq əzələləri rahatlada bilər. 
 

Soyuq kompres təzə travma və burxulmalar, migren və baş ağrısı, bədən temperaturunun yüksəlməsi kimi vəziyyətlərdə ağrının və şişkinliyin yüngülləşməsinə kömək edir. İsti kompres isə daha çox əzələ gərgin olduğu hallarda, artrit və sərtlikdə, menstrual sancılarda rahatlama təmin edir.

Hər iki kompres növünü 15–20 dəqiqədən artıq tətbiq etməmək və dəri ilə birbaşa təmasda olmamaq məsləhətdir. Əgər heç biri ağrını yüngülləşdirmirsə, həkimə müraciət etmək lazımdır.

Bizim.Media