Ukraynanın Putinin iqamətgahına hücumuna Lukaşenkoda REAKSİYA

Belarus prezidenti Aleksandr Lukaşenko Rusiya lideri Vladimir Putinin iqamətgahına dron hücumunu “ən vəhşi terrorizm” adlandırıb.

Bizim.Media xəbər verir ki, bu barədə “Pul Pervoqo” Telegram kanalı məlumat yayıb.

“Əgər hadisə hazırda təqdim edildiyi kimidirsə, bu, ən yüksək - dövlət səviyyəsində vəhşi terrorizmdir”, — deyə Lukaşenko bildirib.

Onun sözlərinə görə, o, bu hücumun kimə və nə məqsədlə lazım olduğu barədə düşünür.
 

Xatırladaq ki, dekabrın 29-da Rusiyanın xarici işlər naziri Sergey Lavrov gecə saatlarında Ukrayna hərbçilərinin Novqorod vilayətində Rusiya dövlət başçısının iqamətgahına zərbə endirməyə cəhd göstərdiyini açıqlayıb.

O bildirib ki, Kiyev bu məqsədlə 91 pilotsuz uçuş aparatından istifadə edib. Rusiya Müdafiə Nazirliyinin məlumatına görə, bütün dronlar məhv edilib.

Ukrayna Prezidenti Volodimir Zelenski isə bu iddiaları təkzib edib.

ABŞ prezidenti Donald Tramp da məsələyə münasibət bildirərək, baş verənlərdən əslində xəbərsiz olduğunu deyib. Bununla belə, onun fikrincə, Putinin iqamətgahına hücum hadisələrin mənfi inkişafına səbəb ola bilər.

Bizim.Media