Paşinyan: “Azərbaycanla sülh sazişi naminə Konstitusiyanı dəyişməyə hazıram”

“Bizim strategiyamız belədir: Ermənistan regionumuzda xarici yardım və dəstək olmadan yaşaya bilsin”.

Bizim.Media erməni KİV-lərinə istinadən xəbər verir ki, bunu Ermənistanın baş naziri Nikol Paşinyan bəyan edib.

“Biz bildiririk ki, sülh artıq təmin olunub və bunu praktikada görürük, amma digər tərəfdən sülh gündəlik diqqət tələb edir. Əgər ona hər gün diqqət ayrılmasa və qayğı göstərilməsə, təhlükə altına düşə bilər.

Mən açıq şəkildə demişəm ki, Azərbaycanla sülh sazişi naminə Konstitusiyanı dəyişməyə hazıram”, – deyə Paşinyan bildirib.
 

O əlavə edib ki, Ermənistan Azərbaycanın qaldırmaq istədiyi suallara cavab verməyə, danışıqlar masasına oturmağa və bütün nüansları müzakirə etməyə hazırdır.

“2018-ci ildən bəri bizim yeni Konstitusiyanın qəbuluna dair planımız var və yaxınlarda partiya qurultayımızın deklarasiyasında bəyan etdik ki, xalqımızdan 2026-cı il seçkilərində yeni mandat aldıqdan sonra Ermənistan Respublikası üçün tamamilə yeni Konstitusiyanın qəbuluna başlayacağıq”, – Paşinyan qeyd edib.

Bizim.Media