Bu yay rekord istidən 50 mindən çox insan ölüb

Avropada 2026-cı ilin yayı son 26 ilin ən ölümcül isti mövsümü olub. Alimlərin hesablamalarına görə, iyun-avqust aylarında 30 Avropa ölkəsinin 854 şəhərində yüksək temperaturla əlaqəli 50 391 ölüm baş verib.

Bizim.Media xəbər verir ki, araşdırmaya əsasən, ölümlərin 32 619-u, yəni təxminən 65 faizi insan fəaliyyəti nəticəsində yaranan iqlim dəyişikliyi ilə əlaqələndirilir.

Ən çox ölüm İtaliyada – 13 303 nəfər, Fransada – 7 268 nəfər, İspaniyada – 6 824 nəfər və Almaniyada – 6 340 nəfər qeydə alınıb.
 

İstilikdən ölənlərin təxminən yarısının yaşı 85-dən yuxarı olub. Bununla yanaşı, 20-44 yaş aralığında 800-dən çox insanın da yüksək temperaturla əlaqəli səbəblərdən öldüyü hesablanıb.

Alimlər bildirirlər ki, bu yay istiliklə əlaqəli ölüm göstəricisi 2022-ci ilin əvvəlki rekordunu da üstələyib. Həmin il Avropanın araşdırılan şəhərlərində təxminən 29 480 ölüm qeydə alınmışdı.

Qeyd edək ki, bu araşdırma Avropa əhalisinin təxminən 40 faizini əhatə edən şəhərlərdə aparılıb.

Bizim.Media