“Ukrayna müharibə bitdikdən sonra Rusiya ilə NATO arasında “buffer dövlət” olmalıdır” - Orban

“Yeganə mümkün uzunmüddətli həll ondan ibarətdir ki, müharibədən sonrakı nizam əsas prinsipi üzərində qurulsun: Ukrayna bir vaxtlar olduğu kimi buffer dövlətə çevrilir. Rusiya beynəlxalq sülh konfransında razılaşdırılmış əraziləri özündə saxlayır, bu xəttin qərbində qalan bütün ərazilər isə NATO-nun şərq sərhədinədək yenidən buffer dövlətə çevriləcək Ukrayna dövlətinə aid olur”.

Bizim.Media xəbər verir ki, bunu Macarıstanın baş naziri Viktor Orban “Welt am Sonntag” nəşrinə müsahibəsində bildirib.

Onun sözlərinə görə, Rusiya və NATO həmçinin Ukrayna silahlı qüvvələrinin sayına və onların buffer zonada fəaliyyətinə icazə veriləcək şəkildə təchizatına dair razılığa gəlməlidirlər: “Hər iki tərəf heç kimin bu buffer dövləti öz hakimiyyəti altına almayacağına dair təminat verməlidir”.

Bizim.Media