Rusiyada kriptovalyutalar qadağan edilir? – Mərkəzi Bankdan TƏKLİF 

Rusiya Mərkəzi Bankı kriptovalyutaların yayılmasının yaratdığı təhdidləri azaltmaq üçün Rusiyada kriptovalyutaların emissiyasını, hasilatını və dövriyyəsini qadağan etməyi təklif edir. 

Bizim.Media “TASS”a istinadən xəbər verir ki, Rusiya Mərkəzi Bankının tənzimləyici hesabatında bu barədə müddəalar öz əksini tapıb. 

"Ehtiyat valyutası olmayan rus rublunun statusu Rusiyada yumşaq yanaşma tətbiq etməyi və risklərin artmasına göz yummağı mümkünsüz edir. Fikrimizcə, əlavə tədbirlər məqsədəuyğundur", - sənəddə qeyd olunub. 
 

MÖVZU İLƏ BAĞLI:

“Bitcoin” bir qədər ucuzlaşdı – Kriptovalyuta qiymətləri

Mənbənin məlumatına görə, hesabatda əks olunan məqamlar onu deməyə əsas verir ki, "kriptovalyutaların yayılmasının yaratdığı təhlükələri azaltmaq üçün" Rusiya Bankı qanunvericiliyə dəyişikliklərin edilməsini təklif edir. 

Bu dəyişikliklər, xüsusən də emissiyanın təşkili, bununla bağlı qadağanın tətbiqi, Rusiyada kriptovalyutaların dövriyyəsi, maliyyə təşkilatlarının kriptovalyutalara investisiyaları, kriptovalyutalarla əməliyyatlar həyata keçirmək üçün rus maliyyə vasitəçilərindən istifadə, həmçinin kriptovalyutaların çıxarılmasını əhatə edir. 

Bizim.Media