Britaniyanın Baş nazirinə sərt təpki: “Növbəyə dayan!”

Britaniyanın baş naziri Kir Starmer ailəsi ilə birlikdə Portuqaliyanın Madeyra adasında tətildə olarkən gözlənilməz etirazla qarşılaşıb.

Bizim.Media xarici KİV-ə istinadla xəbər verir ki, Starmerin məşhur xizək turuna növbədənkənar keçməsi turistlərin qəzəbləndirib.

Belə ki, onlar təhlükəsizlik məqsədi ilə növbələrdən yayınmaq istəyən və mühafizənin müşayiəti ilə sıraya girən baş nazirə “növbəni gözlə, sıraya keç” deyə təpki veriblər.

Starmerin bu görüntüsü sosial şəbəkələrdə paylaşılıb və sərt tənqid olunub.

Sosial mediadakı reaksiyalardan sonra rəsmilər Starmerin bu əməli ilə bağlı açıqlama vermək məcburiyyətində qalıb.

Onlar Baş nazirin uzun müddət çöldə gözləməsinin təhlükəli olduğunu və bu səbəbdən növbədən kənar keçdiyini bildirib.

Hadisə siyasətçilərin imtiyazları ilə bağlı müzakirələri yenidən gündəmə gətirib.

Rəna Cumaqızı, Bizim.Media