Çempion mövsümdə ilk məğlubiyyətini aldı - FOTO

Bu gün Azərbaycan Basketbol Liqasında VII tura start verilib. 

Bizim.Media xəbər verir ki, ilk oyun günündə 3 qarşılaşma keçirilib. 

Tur B qrupunda “Sumqayıt” - “Lənkəran” görüşü ilə başlayıb. Sumqayıtda keçirilən oyunda meydan sahibləri güclü olublar.

A qrupunun liderlərindən “Sabah” “Neftçi”ni, “Naxçıvan” isə NTD-ni sınağa çəkib. Çempion gözlənilmədən autsayderə uduzub. "Ağ-qaralar" mövsümdə ilk qələbələrinə imza atıblar. "Naxçıvan" isə çətinlik çəkmədən hesabına 3 xal yazdırıb.

Qeyd edək ki, tura sabah keçiriləcək 3 oyunla yekun vurulacaq. “Quba” “Gəncə”ni, “Ordu” “Şəki”ni, “Abşeron” isə “Sərhədçi”ni qonaq edəcək.

Azərbaycan Basketbol Liqası

VII tur

17 dekabr

A qrupu

16:00. NTD – “Naxçıvan” - 77:95 (18:24, 21:23, 21:22, 17:26)

Sərhədçi İdman Mərkəzi

20:00. “Sabah” – “Neftçi” - 66:71 (23:18, 14:19, 17:12, 12:22)

Sərhədçi İdman Mərkəzi

B qrupu

15:00. “Sumqayıt” – “Lənkəran” - 108:99 (29:21, 28:30, 25:23, 26:25)
Sumqayıt OİK