“Səbail” baş məşqçisini dəyişməyə HAZIRLAŞIR

“Səbail” klubu yeni mövsümdə baş məşqçisini dəyişə bilər.

Bizim.Media xəbər verir ki, klubu cari mövsümdə qarşıya qoyulan məqsədə nail ola bilməməsi rəhbərliyin belə addım atmasına səbəb olub.

Belə ki, hazırkı baş məşqçi Şahin Diniyevin qarşısına Avrokuboklara vəsiqə qazanmaq tapşırığı qoyulsa da, klub ən yaxşı halda 7-ci pilləni tutacaq. Məhz buna görə baş məşqçinin işindən narazı qalan rəhbərlik Diniyevi istefaya göndərməyə hazırlaşır.
Artıq kluba yeni baş məşqçi təyinatı haqqında da xəbərlər dolaşır. Yerli mütəxəssislərdən ən çox Azər Bağırovun “dənizçilər”in sükanı arxasına keçmək ehtimalı var.

Qeyd edək ki, Bağırov bir müddət əvvəl “Araz Naxçıvan”ın baş məşqçi postundan istefaya göndərilib.

Rəşad Rafiqoğlu, Bizim.Media