Neçə erməni bizim olmayan Azərbaycan kəndləri uğrunda döyüşməyə hazırdır? - Paşinyanın ofisi

Ermənistan baş nazirinin aparat rəhbərinin müavini Taron Çaxoyan Azərbaycanla sərhədin delimitasiyasından sonra Qazaxla sərhəddə yerləşən Tovuzqalada (Tavuş) baş verən aksiyaları şərh edib.

Bizim.Media xəbər verir ki, bu barədə erməni mətbuatı yazıb.

“Dövlət sərhədinin yaradılmasına qarşı çıxanların neçə nəfəri heç vaxt Ermənistanın tərkibində olmayan Azərbaycan yaşayış məntəqələri uğrunda döyüşməyə hazırdır? Ərini, atasını və oğlunu döyüşə göndərməyə razı olan neçə nəfər var? Nə qədər insan müharibənin acı nəticələrini qəbul etməyə hazırdır?
Muzdlu təbliğatçıların heç biri vuruşmayacaq. Müharibəyə başlamamaq üçün kifayət qədər siyasi iradə və qətiyyətimiz olmalıdır.

Bizi “xilaskarların” şirin vədlərinə aldanaraq qurbanlıq quzular kimi kəsməkləri kifayətdir. Bizi heç kim xilas etməyəcək, Qarabağ bunun bariz nümunəsidir”, – deyə Çaxoyan gileylənib.

Bizim.Media