“Ermənilərin əksəriyyəti Qarabağı könüllü tərk ediblər” – Rusiya XİN rəsmisi

“Qarabağ ermənilərinin əksəriyyəti regionu könüllü tərk edib”.

Bizim.Media xəbər verir ki, bunu “TASS”a müsahibəsində Rusiya XİN başçısının müavini Mixail Qaluzin bildirib.

“Qarabağ ermənilərinin əksəriyyəti regionu tərk edib. Bu, onların könüllü seçimi idi”, - deyə o əlavə edib.

RF xarici işlər nazirinin müavini qeyd edib ki, Rusiya Azərbaycanda konsulluq fəaliyyətinin genişləndirilməsi məsələsi üzərində işləyir:

“Diplomatların MDB dövlətlərində fəaliyyətinin spesifikası hər şeydən əvvəl ondan ibarətdir ki, həmin dost ölkələri bizimlə çoxəsrlik ortaq tarix, bir-birinin ənənələrinin dərindən başa düşülməsi, ümumi mədəniyyət və rus dilinə münasibət birləşdirir”.

Bizim.Media