Prezident Administrasiyası Qarabağdakı erməniləri dialoqa ÇAĞIRIR 

Azərbaycan Respublikası Prezidentinin Administrasiyası Ermənistanın Azərbaycan ərazisində yaratdığı və hələ də dəstəklədiyi qanunsuz rejimin “danışıqlara başlamaq çağırışı” ilə əlaqədar bildirir ki, Azərbaycan Respublikası Prezidentinin Administrasiyası reinteqrasiya məsələlərini müzakirə etmək üçün bir neçə dəfə ölkəmizin Qarabağ bölgəsində yaşayan erməni sakinlərin nümayəndələrini dialoqa dəvət etmişdir. Lakin onlar hər dəfə bundan imtina etmişlər.

Bizim.Media xəbər verir ki, Azərbaycan Respublikası Prezidentinin Administrasiyası ölkəmizin Qarabağ bölgəsində yaşayan erməni sakinlərin nümayəndələri ilə Yevlaxda görüşə hazır olduğunu bildirir.  
 

MÖVZU İLƏ BAĞLI:

Ermənilərə məxsus hərbi təyinatlı radiotexniki qovşaq zərərsizləşdirilib - ANBAAN VİDEO

Lakin antiterror tədbirlərinin dayandırılması üçün qanunsuz erməni silahlı dəstələri ağ bayraq qaldırmalı, bütün silahlar təhvil verilməli, qanunsuz rejim özünü buraxmalıdır. 

Əks təqdirdə, antiterror tədbirləri sona qədər davam etdiriləcək. 

Bizim.Media