İki güləşçimiz finalda - Rəqibləri ermənilərdir 

Albaniyanın paytaxtı Tiranada keçirilən U-17 Avropa çempionatı davam edir. 

Bizim.Media xəbər verir ki, Azərbaycanın iki sərbəst güləşçisi turnirdə finala yüksəlib. 

Hacı Kərimov (55 kq) yarımfinalda fransalı Ubayda İtayev üzərində inamlı qələbə qazanıb - 12:0. 

110 kq-da Yusif Dursunov eyni mərhələdə türkiyəli Arda Gülerə 11:0 hesabı ilə qalib gəlib. 

Həlledici matçda Kərimov Ermənistan təmsilçisi Samvel Gevorqyanla qarşılaşacaq. Dursunov isə Henrik Haykyanla (Ermənistan) üz-üzə gələcək. 

Qeyd edək ki, daha əvvəl yunan-Roma güləşçilərindən Turan Daşdəmirov (45 kq) qızıl, Elnar Ziyadov (48 kq), Əli Seyidəlili (51 kq), Ayxan Cavadov (55 kq), Elmin Əliyev (80 kq) və Mahir Qurbanlı (110 kq) isə bürünc medal qazanıblar. Qadın güləşçilərdən isə Ruzanna Məmmədova Avropa ikincisi olub.