“Paşinyanın ailəsi öz kefindədir” – Erməni psixoloq

“Paşinyanın ailəsi elə yaşayır ki, elə bil müharibə olmayıb, 5 mindən çox erməni ölməyib. Öz kefindədirlər. Hər şeyi şouya çevirirlər.”

Bizim.Media “yerkramas”a istinadən xəbər verir ki, bu sözləri erməni psixoloq Mirdat Madatyan deyib.
 

MÖVZU İLƏ BAĞLI:

Paşinyanın arvadı bu dəfə hansı ölkəyə üz tutdu?

Onun sözlərinə görə, belə insan heç vaxt özündə günah hiss etməyəcək, xəcalət çəkməyəcək.

Psixoloqun fikrincə, 9 noyabr razılaşmasından sonra Paşinyanın yerində kim olsaydı, gərək özünü güllələyərdi, amma onlar öz “fəaliyyətlərindən həzz alırlar”.

Madatyan Nikolun yeganə narahatçılığı kimi erməni xalqının mühakiməsini göstərib. 

Psixoloq sonda vurğulayıb ki, erməni xalqı bir də çətin ki, nə vaxtsa hansısa siyasi xadimə güvənər. 

“Ermənistanı gücləndirəcək yeganə namizəd isə Köçəryandır”,- deyə Madatyan çıxışını tamamlayıb. 

Bizim.Media