“Ermənistanın vəziyyəti ağırdır” - Erməni politoloq

“Ermənistanın vəziyyəti çox ağırdır, onun müttəfiqləri minimum ehtiyaclarını belə ödəmir”.

Bizim.Media yerli KİV-ə istinadən xəbər verir ki, bunu erməni politoloq, ABŞ-ın Lihay Universitetinin professoru Arman Qriqoryan deyib.

Onun sözlərinə görə, ABŞ-ın bu regionda maraqlarının nədən ibarət olduğunu başa düşmək və nəzərə almaq lazımdır.

“Heç bir illüziya, boş ümidlər olmamalıdır ki, onlar gəlib Ermənistanı müdafiə edəcəklər, silah satacaqlar, Türkiyə, Azərbaycan və Rusiyaya qarşı İranla ittifaq bağlayacaqlar”, - A.Qriqoryan vurğulayıb.
O, Azərbaycanın 44 günlük müharibədə qələbə qazandığı bölgədəki vəziyyətə də toxunub.

“Hər kəs Azərbaycana qarşı çox mehribandır, çoxları onunla yaxın və isti münasibət qurmağa çalışır”, - deyə o, əlavə edib.

Bizim.Media