Ronaldudan azarkeşlərini üzəcək AÇIQLAMA

Səudiyyə Ərəbistanının "Əl-Nəsr" klubunun və Portuqaliya milli komandasının hücumçusu Kriştianu Ronaldu cari mövsümün onun peşəkar futbolçu karyerasında sonuncu ola biləcəyini istisna etməyib.

Bizim.Media "Record" nəşrinə istinadən xəbər verir ki, ulduz futbolçu gələcək planları barədə danışarkən yekun qərarının olmadığını bildirib: 

"Bilmirəm, cavabı bilmək istərdim, amma bilmirəm. Çox güman ki, bu mənim son ilimdir. Son oyunumun nə vaxt olacağını özüm açıqlayacağam".

Qeyd edək ki, Çempionlar Liqasının beşqat qalibi, iki dəfə Millətlər Liqasının çempionu, Avropa çempionu və beş "Qızıl top" sahibi olan Ronaldu cari Dünya Çempionatı ərəfəsində bu turnirin onun üçün sonuncu olacağını bəyan etmişdi. Lakin Portuqaliya millisi 1/8 finalda İspaniyaya 0:1 hesabı ilə məğlub olaraq mübarizəni dayandırdı və təcrübəli hücumçu dünya çempionu titulunu qazana bilmədi.

Buna baxmayaraq, Ronaldu milli komanda forması ilə vurulan qollar və keçirilən oyunların sayına görə dünya rekordçusu olaraq qalır — o, 233 rəsmi matçda 146 dəfə fərqlənib. Portuqaliyanın Dünya Çempionatlarındakı ən böyük uğuru isə 2006-cı ildə qazanılan 4-cü yerdir və Ronaldu həmin vaxt da yığmanın heyətində mübarizə aparırdı.

Bizim.Media