ÇL-də həftənin ən yaxşı oyunçusu BƏLLİ OLDU

UEFA Çempionlar Liqasında 6-cı turun oyunlarından sonra həftənin ən yaxşı futbolçusunun adı açıqlanıb.

Bizim.Media xəbər verir ki, “Arsenal” klubunun və İngiltərə millisinin cinah hücumçusu Noni Madueke həftənin ən yaxşı futbolçusu adına layiq görülüb.
 

“Brügge” ilə qarşılaşmada (3:0) dubl edən gənc ulduz səsvermədə Şarl de Ketelare (“Atalanta”), Oskar Qlux (“Ayaks”) və Jül Kundeni (“Barselona”) geridə qoymağı bacarıb.

Belçika təmsilçisi ilə görüşdə cərimə meydançası xaricindən möhtəşəm zərbə və başla vurduğu qollarla yadda qalan Madueke komandasının qələbəsində həlledici rol oynayıb.

Qeyd edək ki, 2025-ci ilin yayında “Çelsi”dən “Arsenal”a transfer olunan futbolçu qısa müddətdə komandaya uyğunlaşaraq əsas oyunçulardan birinə çevrilib.

Bizim.Media