“Şamaxı”nın yeni transfer cəhdi uğursuzluqla nəticələnib.
Bizim.Media xəbər verir ki, bölgə klubu müqavilə bağlamaq üçün gətirdiyi legioneri geri göndərməyə qərar verib
Premyer Liqa klubu ötən ay 150 min dollara Rusiyanın “Fakel” klubuna satılan Belajdi Pusinin boşluğunu Kollin Andersonla doldurmağı planlaşdırmışdı.
Lakin yamaykalı hücumçu tibbi baxışdan uğurla keçsə də, transferi alınmayıb. Sənədlərində problem aşkarlanan legioner bu gün vətəninə yola salınacaq. 25 yaşlı futbolçunun özünün səhlənkarlığı üzündən yaranan problem başına bəla olub. “Şamaxı” isə demək olar, Premyer Liqada qalmaq vəzifəsinin öhdəsindən gəldiyi üçün əlavə xərcə düşməyi lazım bilməyib.
Qeyd edək ki, Anderson bu ilin yanvarında İraqın “Erbil” klubundan ayrılandan bəri işsiz idi.
Bizim.Media
