Bu gün məşhur Schlumberger (Şlyumberje) neft şirkətinin Bakı ofisinin nümayəndələri ADNA-da oldular. Fiziki üsullar üzrə mütəxəssis, professor Martin Lulinq başda olmaqla qonaqlar ADNA-nın rektor vəzifəsini müvəqqəti icra edən professor Vaqif Qurbanovla görüşdülər.
Görüş çərçivəsində firmanın nümayəndələrilə ADNA arasında bir sıra müqavilələr imzalandı. Müqaviləyə əsasən, Schlumberger şirkəti ADNA-ya geologiya və neft-mədən işində tətbiq olunacaq müasir kompyuter proqramlarını bağışlayacaq. Yeni proqramı tələbələrə təqdim etmək, öyrətmək üçün ADNA-nın bir neçə müəlliminə sseminarlar keçirilməsi nəzərdə tutulur. Schlumbergerin nümayəndələri ADNA-ya neft-mədən və geofiziki avadanlıqlar verəcəklər. Eyni zamanda danışıqlar çərçivəsində şirkətin yay təcrübəsində iştirak edən tələbələrin sayının artırılması da nəzərə alınıb. Qeyd edək ki, əvvəldən əldə olunan müqaviləyə görə yay təcrübəsində ADNA tələbələrinin sayı 10-15 nəfər olub.
Professor Vaqif Qurbanovla görüşdən sonra qonaqlar Qaz-neft mədən fakültəsində oldular. Dekan dosent Vahid Mustafayev qonaqları fakültədə görülən işlər və perspektivlərlə tanış etdi. Professor Martin Lulinq tələbələrə neft-qaz, müasir geofizikaya aid mühazirə dedi.
