“Turizm haqqında” qanun nəzərdə tutulan yeni dəyişikliyə əsasən turistlər Azərbaycanda 30 günədək qala biləcəklər.
Moderator. az-a Milli Məclin iqtisadi siyasət komitəsindən verilən məlumatda deyilir ki, “Turizm haqqında” qanuna bir sıra dəyişikliklər nəzərdə tutulur. Dəyişikliklər əsasən Miqrasiya Məcəlləsinin qüvvəyə minməsi ilə bağlı olaraq uyğunlaşdırmaların aparılması ilə yanaşı bir sıra yeniliklərdən ibarətdir.
Dəyişikliyə əsasən ölkəyə gələn turist 30 gün müddətində ölkədə qala bilər və səfərin məqsədi barədə məlumatlar verilməlidir. Ölkəyə gələn turistlərə tursim şirkətləri vasitəsi ilə elektron viza alamq hüququ veriləcək. Elektron viza alamaq üçün əcnəbilər və vətəndaşlığı olmayan şəxslər Azərbaycan Respublikasında fəaliyyət göstərən və müvafiq icra hakimiyyəti orqanında akkreditasiyadan keçmiş turizm şirkətlərinə birbaşa və ya yaşadıqları ölkələrdə həmin şirkətlərin tərəfdaşı olan turizm şirkətləri vasitəsilə müraciət edə bilərlər. Elektron vizanın verilməsi qaydası isə Azərbaycanın Miqrasiya Məcəlləsi ilə tənzimlənir.
