Lukaşenko Putinlə bağlı qapılar arxasında nələrdən danışacağını açıqladı...

 

Cümə günü, fevralın 17-də Rusiya və Belarus diktatorları Vladimir Putin və Aleksandr Lukaşenkonun görüşü planlaşdırılır. Özünü Belarus Respublikasının prezidenti elan etmiş şəxs gündəlikdə hansı məsələlərin müzakirə olunacağını bildirib.

 

Moderator.az xəbər verir ki, Belarusun hökumətyönlü “Belta” nəşrinin yaydığı məlumata görə, Lukaşenko bu barədə cümə axşamı, fevralın 16-da keçirdiyi mətbuat konfransında bildirib

 

Belarusun saxta prezidentinin sözlərinə görə, görüşün mövzuları arasında iqtisadi, siyasi və təbii ki, hərbi məsələlər var. Bu kontekstdə Lukaşenko və Putin Belarusda ümumi hərbi qruplaşmanı müzakirə edəcəklər.

 

"Biz təhlükəsizlik və müdafiə məsələlərini müzakirə edəcəyik. Amma ən əsası, Ali Dövlət Şurasında müzakirə olunacaq iqtisadi, hərbi və siyasi xarakterli məsələləri müzakirə edəcəyik. Ən vacib məsələlərdən biri: hələ də görmək istəyirik ki, Belarus və Rusiya hökumətləri bizim qarşıya qoyduğumuz işləri necə həyata keçirirlər, ilk növbədə iqtisadi: enerji resursları, vahid bazar, idxalın əvəzlənməsi - onların necə maliyyələşdirilməsi, necə həyata keçirilməsi. Bu, bütün məsələlərin kompleksidir.  Ona görə də bütün məsələləri müzakirə edəcək”, - deyə o bildirib.

 

Xatırladaq ki, Belarus diktatoru Aleksandr Lukaşenko “müharibəyə son qoymaq” üçün Baydeni Putinlə danışmaq üçün Minskə çağırır. O, hətta fevralın 20-22-də Polşada olacaq Baydenə öz təyyarəsini göndərməyə hazırdır.

 

Sultan Laçın