Pasientlər üzərində Ebola virusu əleyhinə peyvəndin təcrübə xarakterli sınaqlarının ilkin nəticələri ürəkaçandır. Nəticələr göstərib ki, həmin peyvənd təhlükəsizdir və insanın immun sisteminə virusla mübarizədə yardımçı ola bilər.
Məlumata görə, Böyük Britaniyanın iri əczaçılıq şirkəti «GlaxoSmithKline» tərəfindən hazırlanan peyvənd Amerika Birləşmiş Ştatlarında 20 könüllünün qanına yeridilib. Peyvəndin tədqiqinə görə məsul olan ABŞ Milli səhiyyə institutlarının alimləri əldə edilən nəticələri ürəkaçan adlandırıblar.
Peyvənd vurmanın iştirakçılarından heç biri sonradan əks təsir hiss etməyib. Könüllülər 2 qrupa ayrılıb - birinci qrupa yüksək dozada, ikinci qrupa isə aşağı dozada peyvənd vurulub. Yüksək dozada peyvənd vurulanlarda Ebola virusuna qarşı müdafiə sistemi daha fəal olub.
Bu peyvəndin tərkibinə gəldikdə isə, buraya bədən səthində Ebola virusunun infeksiyalaşmaış proteini daşımaq qabiliyyətinə malik olan şimpanzedən alınmış və genetik modifikasiya edilmiş virus daxildir.
Təcrübi peyvəndin sınaqları 4 mərhələdə aparılacaq.(anspress)
