İran Hörmüz boğazından keçid üçün şərtləri AÇIQLADI

İran hesablaşmaların yuanla aparılması şərti ilə məhdud sayda neft tankerinin Hörmüz boğazından keçməsinə icazə verməyi nəzərdən keçirir.

Bizim.Media xəbər verir ki, bu barədə məlumatı CNN yayıb.

Qeyd edilib ki, bu mümkün addım Tehranın bu strateji əhəmiyyətli marşrutdan keçən neft tankerlərinin axınını tənzimləmək planının bir hissəsidir. Hörmüz boğazından dünya neftinin təxminən 20%-i və mayeləşdirilmiş təbii qazın (LNG) qlobal tədarükünün 30%-ə qədəri keçir.

Nəşr yazır ki, 13 martda neftin qiyməti Hörmüz boğazının faktiki bağlanması ilə bağlı narahatlıqlar səbəbindən artıb. Brent markalı neftin qiyməti 2,67% yüksələrək bir barel üçün 103,14 dollar olub — bu isə 2022-ci ilin iyulundan bəri ən yüksək səviyyədir.

Tehran 1 martdan etibarən Hörmüz boğazını faktiki olaraq bağlayıb. Buna səbəb isə 28 fevralda İsrail və ABŞ-ın İrana qarşı birgə zərbələri olub. Həmin hücumlar nəticəsində təxminən 1300 nəfər həlak olub.

Bizim.Media