Mask Trampın malikanəsində seçkilərin nəticələrini İZLƏYƏCƏK

Amerikalı milyarder İlon Mask seçki gecəsi ABŞ prezidentliyinə namizəd Donald Trampın Floridadakı Mar-a-Laqo malikanəsində olmağı planlaşdırır. 

Bizim.Media xəbər verir ki, bu barədə “The New York Times” mənbələrə istinadən yazıb.

Bildirilib ki, Mask malikanədə namizəd Donald Trampla birgə seçkilərin nəticələrini izləyəcək:

“İlon Mask seçki gecəsi keçmiş prezident Donald Trampla birlikdə olmağı planlaşdırır”.

Qeyd edək ki, daha əvvəl Donald Trampın Floridadakı Mar-a-Laqo malikanəsində kiçik bir qrup ailəsi və dostları ilə prezident seçkilərini izləyəcəyi barədə məlumat yayılmışdı.

Qeyd edək ki, milyarder İlon Mask Trampın əsas tərəfdarlarından biridir. O, seçki öncəsi ABŞ konstitusiyasına dəstək müraciətini imzalayanların arasından bir nəfərə hər gün milyon dollar verəcəyini də açıqlamışdı.

Bizim.Media