Putin Qırğızıstana getdi - VİDEO 

Rusiya prezidenti Vladimir Putin Qırğızıstana rəsmi səfərə gedib. 

Bizim.Media rus mətbuatına istinadən xəbər verir ki, o, burada həmkarı Sadır Japarovla danışıqlar aparacaq və qala tədbirində iştirak edəcək.

Görüşün yekunlarına görə iki ölkə prezidentinin hökumətlərarası, idarələrarası və digər sənədlər paketini imzalayacağı gözlənilir.
Putin və Japarov Qırğızıstanın Kant şəhərində Rusiya hərbi hava bazasının yaradılmasının iyirminci ildönümünü tədbirlərində iştirak edəcəklər.

Xatırladaq ki, Azərbaycan Prezidenti İlham Əliyevin Bişkekdə rusiyalı həmkarı Vladimir Putinlə görüşü olacaq. Bu barədə Rusiya prezidentinin köməkçisi Yuri Uşakov məlumat verib. 

O qeyd edib ki, iki ölkə liderləri Qarabağ ətrafındakı vəziyyəti və Rusiya sülhməramlılarının ərazidəki sonrakı fəaliyyətini müzakirə etməyi planlaşdırır. 

Belə ki, liderlər Rusiya sülhməramlılarının Qarabağın erməni sakinlərinin öz yaşayış yerlərinə mümkün qayıdışının təmin edilməsi kontekstində işləmək imkanlarına toxunacaqlar. 

İki dövlətin başçıları oktyabrın 13-də Qırğızıstanda MDB dövlət başçılarının görüşündə iştirak edəcəklər. 

Bizim.Media