Ötən gün axşam radələrindən başlayaraq ölkənin şimal-qərb bölgəsində hava şəraiti kəskin dəyişib.
Bizim.Media-nın yerli bürosu xəbər verir ki, ölkə ərazisinə Balakən rayonu istiqamətindən daxil olan qeyri-sabit hava şəraiti bölgədə güclü leysan və küləklə müşahidə olunub.
Bir saata yaxın davam edən və güclü küləklə müşahidə olunan leysan yağışları nəticəsində çaylarda suyun səviyyəsi artıb. Zaqatala şəhərinin yuxarı dağlıq ərazilərinə, həmçinin Car, Yuxarı Tala, Aşağı Tala, Muxax və Sumaylı kəndlərinin ərazisinə qısamüddətli dolu yağıb.
Hazırda bölgədə sabit hava şəraiti müşahidə olunur.
Tural Rasimoğlu, Bizim.Media, Şimal-Qərb bürosu
