"Nuriyyə xanımda dəyərlərə sevgi, sayğı o dərəcədə elitar formada sezilir ki..."

Son illərdə izlədiyim ən gözəl bir tərtibat sayıla bilir. Söhbət yalnız sənətdən getmir, sənət adına cəmiyyətə verilən doğru, sağlam mesajlardan gedir. Bizim həqiqətən gözəl səs potensialı, musiqi çeşidliliyi olan sənətkarlarımız az-çox var, ancaq səsdən başqa ədəbi, zəkası, müasirliklə milliliyi uzlaşdırması, dəyərləri önə çəkməsi ilə fərqlənənlər isə çox-çox azdır. Bir çox hallarda bayrağı bədənə bürüməklə, süni vətənpərvərlik ritorikası ilə təqdimatlar da bezdirici olur. Ancaq Nuriyyə xanımda dəyərlərə sevgi, sayğı o dərəcədə elitar formada sezilir ki, dinləyici səmimi mesaj ala bilir. Özəlliklə də sonluqdakı mərhum Cəfər Cabbarlının bayraq dastanının dəyərli sənətkarımız Həlimət xanımla birlikdə təqdimatı çox duyğulu və anlamlı idi. Fikrimcə, Azərbaycanda hər bir sənət adamı yalnızca konsert verməyi düşünməməli, həm də sənət adına sağlam, doğru mesajlar verməyi düşüncə planına daxil etməlidir. Bu uğurlu təqdimata görə Nuriyyə xanıma təşəkkür edirəm.