“Bu onların mənə olan diqqət və qayğısıdır...”- Şəhid ailələrindən Qarabağ qazisinə dəstək...

Həmişə şəhid ailələrinə diqqət və qayğısı ilə seçilən Qarabağ qazisi Maşalla Əliyev yaşadığı Cəlilabad rayonunda hamının sayıb-seçdiyi ağsaqqallardan biridir. Bu gün bir neçə şəhid ailəsi qazinin evinə gələrək yaşadığı mənzildə üç rəngli bayrağımızı ucaldıblar.

Moderator.az -a danışan Maşalla Əliyev bildirib ki, bu onun üçün şəhid ailələri və vətənpərvər insanların diqqət və qayğısının bariz nümunəsidir:

“Qarabağ müharibəsində çox ağır döyüşlər keçirmişik. Xüsusən Naxçıvanik kəndinin azad edilməsi əməliyyatında iştirak etmişəm. Sonra maşınımız minaya düşdü və mən iki ayağımı itirdim. Döyüşlərdən sonra indinin özünə kimi torpaqlarımız uğurunda şəhid olan oğullarımızın özlərini və ailələrini həmişə diqqətdə saxlayırıq. Şəhidlərimizinxa0 evlərindəki bayraqlarını təzələyirik. Doğum günlərini, il mərasimlərini keçiririk. Bu gün bir neçə şəhid ailəsi və vətənpərvər insanlar gələrək yaşadığım mənzilin qarşısında üç rəngli bayrağımızı ucaltdılar. Bu onların mənə olan diqqət və qayğısının bariz nümunəsdiri.xa0 Hamınıza çox sağ ol deyirəm”.xa0