Novxanı-Xırdalan marşrutu ilə üzrə hərəkət edən 535 nömrəli avtobuslarla bağlı redaksiyamıza şikayət daxil olub.xa0
Moderator.az -a daxil olan məlumata görə, son aylar 535 nömrəli avtobusun sürücüləri sərnişinləri sözün həqiqi mənasında əziyyətə düçar edib.xa0
Belə ki, Xırdalandan Novxanı çimərliyi istiqamətində yol alan avtobuslar Masazır qəsəbəsinin içindən keçəndən sonra “Qurtuluş”x9d yaşayış kompleksinin qarşısındakı dayanacaqda sərnişinləri boşaldır və yarı yoldan geri qayıdırlar. Narazılıq edən sərnişinlərə “arxa maşınla”x9d gəlmək tövsiyyə olunur. Məcbur qalan sərnişinlər dəqiqələrcə növbəti avtobusu gözləyir və mənzil başına xeyli vaxt və əsəb itkisi hesabına çatırlar.
Vətəndaşlar hesab edir ki, top əvəzinə sərnişinlərlə paslaşan, onları yarı yolda qoyan 535 nömrəli avtobusların bu özbaşınalığı əlaqədar dövlət orqanları tərəfindən araşdırılmalı, sərnişinlərlə etinadsız rəfdar edən sürücülərin cəzalandırılması təmin edilməlidir.xa0
535 nömrəli avtobusların texniki baxımdan da müasir standartlara cavab vermədiyi, avtobusların hər zaman toz-torpaqlı olması da daxil olan şikayətlər sırasındadır.
