Qusar Dövlət Ləzgi Dram Teatrının baş rejissoru vəzifəsindən AYRILDI – FOTO  

Qusar Dövlət Ləzgi Dram Teatrının baş rejissoru Əliyar Əliyev vəzifəsindən ayrılıb. 

Məlumatı Əliyar Əliyevin özü Bizim.Media-ya təsdiqləyib və iyul ayının 5-dən Mədəniyyət Nazirliyi ilə bağladığı müqaviləyə xitam verildiyini deyib. 

Amma keçmiş baş rejissor böyük ümidlərlə gəldiyi Qusar teatrından 1 il 3 aydan sonra niyə getdiyinin səbəbini açıqlamayıb. Qusar Dövlət Ləzgi Dram Teatrının direktoru Faiq Qardaşov da məsələ ilə bağlı hər hansı açıqlama vermək istəməyib.
Mədəniyyət Nazirliyinin mətbuat katibi Aynur Kərimova Bizim.Media-nın sorğusuna cavab olaraq bildirib ki, Əliyar Əliyev Qusardakı baş rejissor postundan öz xahişi ilə ayrılıb. 

Qeyd edək ki, Əliyar Əliyev Qusar teatrına gələndən sonra Bizim.Media-ya müsahibəsində teatrda problemlər olduğunu açıqlamışdı.