Qeyri-adi konsertləri ilə hər zaman fərqlənən əməkdar artist Elza Seyidcahan bu dəfə “böcək” obrazına girəcək. Moderator.az Axşam.az-a istinadən xəbər verir ki, müğənninin yeni konserti “Uğur böcəyi” adlanacaq.
Özünü uğurlu insan hesab edən Elza Seyidcahan yeni layihəsindən danışıb:
“Mən çox uğurlu insanam. Kiminlə işləyirəm, mahnı verirəm uğurlu alınır. Getdiyim hər yerdə şən əhval-ruhiyyə yaradıram. Kiməsə pul verəndə aylarla cibində saxlayır ki, bərəkətli əliniz var. Bunları nəzərə alıb “Uğur böcəyi” adlı konsert fikirləşdim. Burada mən “böcək” olacam. Çox fərqli geyimlər, saç düzümləri hazırlayırıq. İbrətamiz, insanlara xeyirxahlığı tərənnüm edəcək bir layihə olacaq. İndi məkan seçirik. Görək “Uğur böcəyi” qanadlarını harada salacaq”
