Londondakı səfirliyimizə bu radikal dini qruplaşma HÜCUM EDİB - VİDEO

Xəbər verdiyimiz kimi, bu gün Azərbaycanın Böyük Britaniya və Şimali İrlandiya Birləşmiş Krallığındakı səfirliyi bir qrup radikal dini dəstənin hücumuna məruz qalıb.

Bizim.Media xarici mətbuata istinadən xəbər verir ki, hücuma görə məsuliyyəti şiə ekstremist təşkilatı olan "Mehdi Qulluqçuları Birliyi" - Küveytdən olan mühacirlər öz üzərinə götürüb. 
 

MÖVZU İLƏ BAĞLI:

Azərbaycanın Londondakı səfirliyinə hücum - XİN-dən RƏSMİ AÇIQLAMA

Qeyd edək ki, 2004-cü ildə Londonda yaradılan sözügedən radikal qruplaşmanın lideri küveytli Yaser Əl-Həbibidir.

Yaser Əl-Həbibi Küveytdə radikal sağçılara yaxınlığı ilə bilinir. O, İran hökumətinə qarşı düşmənçiliyi ilə seçilir. Həmçinin, Yaser Əl-Həbibi İranın Ali Dini Rəhbəri Əli Xamneyinin dini etimadnaməsini də qəbul etmir.

Qeyd edək ki, 2018-ci il martın 10-da dəyənək və xəncərlərlə silahlanmış qrupun 4 üzvü Hüseyn Əlinin həbsinə etiraz olaraq İranın Londondakı səfirliyinə hücum ediblər. Qrup büdcəsi 15 milyon dollar olan "Cənnətin xanımı" (2021) bədii filminin istehsalını maliyyələşdirib.

Həmçinin, onların "Fədak" adlı peyk televiziyası var.

Oral Mədənçi, Bizim.Media