İstanbula səfər edən ermənilərin hava limanındakı GÖRÜNTÜLƏRİ 

Ermənistan aviaşirkətinin Türkiyəyə ilk uçuşu yanvarın 2-də baş tutub. Artıq bu gün Türkiyə aviaşirkəti “Pegasus” əks istiqamətdə 30-dan çox insanı Ermənistan paytaxtına çatdırıb. 

Bizim.Media “Sputnik Armenia”ya istinadla xəbər verir ki, türk aviaşirkəti son iki ildə ilk dəfə İstanbul-İrəvan reysi həyata keçirib. 

Ermənistan vətəndaşlarının İstanbul hava limanındakı görüntüləri ilə bağlı video paylaşılıb. 

Görüntülərdə sərnişinlərin İstanbul hava limanında qeydiyyatdan keçməsi əks olunub. Onların bəziləri Ermənistanla Türkiyə arasında birbaşa uçuşların bərpası ilə bağlı fikirlərini bildiriblər. 
Qeyd edək ki, Ermənistanla Türkiyə arasında iki illik fasilədən sonra ilk dəfə olaraq birbaşa uçuşlar bərpa edilib.

İlk uçuşu bir gün əvvəl Ermənistanın “FlyOne Armenia” aviadaşıyıcısı həyata keçirib. Təyyarənin göyərtəsində 65 sərnişin olub. 

Bizim.Media