Ermənistan XİN Türkiyə ilə normallaşma barədə: “Yalanla yaşamağı dayandırın” 

Ermənistanın xarici işlər naziri Ararat Mirzoyan Türkiyə ilə münasibətlərin mümkün normallaşmasına münasibət bildirib. 

Bizim.Media “Sputnik Armenia”ya istinadən xəbər verir ki, Mirzoyan, bu barədə jurnalistlərə müsahibəsində məlumat verib. 

Belə ki, xarici işlər naziri Ararat Mirzoyan 44 günlük müharibəni böyük özünü aldatmanın nəticəsi hesab etdiyini bildirib.  

"Yalanla yaşamağı dayandırın. Başımıza gələn fəlakət böyük bir özünü aldatmağın nəticəsidir. Reallığın gözünün içinə baxmaq, bir-birimizlə birbaşa danışmaq, heç nəyi gizlətməmək lazımdır", - deyə Mirzoyan bildirib. 

O, əlavə edib ki, müxalifətin Türkiyə və Azərbaycanla münasibətlərin normallaşdırılması ilə bağlı danışıqları tənqid etməsinə cavab vermək istəmir. Nazir əvvəlcə 1990-cı illərdən Türkiyə ilə vaxtaşırı danışıqların və ya yazışmaların aparıldığını, lakin bu barədə cəmiyyətə məlumat verilmədiyinin necə ortaya çıxdığını izah etməyi xahiş edib. 

"Mən parlamentdə və digər mövqelərdən danışıqlar gedən hər şeyi deyirəm", - XİN rəhbəri bildirib. 
Jurnalistlərin “Hərbçilərimizin ölümündə günahkar olan ölkələrlə necə danışıqlar aparmaq olar?” - sualına Mirzoyan “müzakirə edilməli olan çoxlu məsələlər var”, cavabını verib. 

Bizim.Media