Hatay vilayətində çadırdan xəstəxanalar QURULDU

Türkiyənin cənubunda baş verən dağıdıcı zəlzələnin fəsadlarının aradan qaldırılması istiqamətində işlər davam edir.

Bizim.Media xəbər verir ki, hazırda ərazidə elektrik enerjisinin verilişi tam dayanıb.

Dağıntılar altından çıxarılan vətəndaşlar təcili yardım briqadasının olduğu çadırlarda müalicələrini davam etdirirlər.

Vilayətin girişində yaralı vətəndaşlar üçün xəstəxanalar qurulub.

Qeyd edək ki, Türkiyədə zəlzələ qurbanlarının sayı 2921-ə çatıb, 15 834 yaralı var. Dağıntıya məruz qalmış bina sayı isə 6217-dir.

Bizim.Media