Binəli Yıldırım Azərbaycanın İrandakı səfirliyinə HÜCUMU PİSLƏDİ

AK Partiyanın sədr müavini Binəli Yıldırım Azərbaycanın İrandakı səfirliyinə edilən hücumu pisləyib.

Bizim.Media xəbər verir ki, o, bu barədə “Twitter“də paylaşım edib.

“Azərbaycanın Tehran səfirliyinə edilən hücumu qınayıram. Hücumda şəhid olan qardaşımıza Allahdan rəhmət, can Azərbaycana başsağlığı və yaralılara təcili şəfalar diləyirəm”, - paylaşımda deyilir.

Qeyd edək ki, bu gün səhər saatlarında Azərbaycanın İrandakı səfirliyinin binasına silahlı hücum edilib. Hadisə nəticəsində səfirliyin bir əməkdaşı ölüb, iki nəfər isə yaralanıb.

Xatırladaq ki, Azərbaycan XİN baş verənlərlə bağlı ilk rəsmi məlumat yayıb. Bildirilir ki, hücum edən şəxs "Kalaşnikov" markalı avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir. Hazırda bu xain hücum üzrə araşdırma gedir. Məsələnin təfərrüatı barədə ictimaiyyətə əlavə məlumat veriləcək.

Bizim.Media