Kaliforniyadakı ermənilərin  Azərbaycan aqressiyası

Kaliforniyada yaşayan ermənilər  Azərbaycana qarşı növbəti aqressiyalarını nümayiş etdiriblər.

Diasporla İş üzrə Dövlət komitəsindən Bizim.Media-ya verilən məlumata görə, onlar oktyabrın 20-də gecə saatlarında Şimali Kaliforniya Azərbaycan Mədəniyyət Mərkəzinin binasının üzərinə  nifrət dolu ifadələr, təhqir və  söyüş yazmaqla erməni xislətinin dəyişməz olduğunu bir daha sübut ediblər.

Milli zəmində azərbaycanlılara qarşı  nifrət çağrışları edən ermənilərin cəzalandırılıması üçün hadisə yerinə polis əməkdaşları çağırılıb. Hazırda hadisə ilə bağlı araşdırma aparılır.  Hadisə yerinə KİV nümayəndələri də gəliblər.

Kaliforniya Azərbaycan Mədəniyyət Mərkəzinin direktoru Həmid Azəri bu vandalizm aktını, Ermənistanın Gəncə şəhərinə edilən   raket hücumları nəticəsində  mülki vətəndaşların, o cümlədən qadın və günahsız uşaqların həlak olmasını, onlarla  insanın yaralanmasını  hadisə yerinə dəvət olunmuş kütləvi informasiya vasitələrinin nümayəndələrinin diqqətinə  çatdırıb.

Bizim.Media