İrəvanda müxalifətin aksiyasında saxlanılanların sayı 277-yə çatdı - YENİLƏNİB

Mayın 18-də səhər saat 10:45-ə olan məlumata görə, 277 dinc itaətsizlik aksiyası iştirakçısı İrəvanın müxtəlif polis bölmələrinə gətirilib. 

Bizim.Media xəbər verir ki, bu barədə Panorama.am-a Ermənistan polisi məlumat verib.

Mənbə qeyd edir ki, vətəndaşlar İnzibati Xətalar Məcəlləsinin 182-ci maddəsi (Polis qüvvələrinin və ya polis məmurunun qanuni tələbinə əməl edilməməsi) əsasında həbs ediliblər.

Xatırladaq ki, bir gün əvvəl, mayın 17-də polis idarəyə gətirilənlərin sayına görə rekord vurmuşdu. Günortaya qədər 414 vətəndaş gətirilib.

Vəkil Yervand Varosyan bunu 2018-ci il hadisələri ilə müqayisə edib. “Rəsmi məlumatlara görə, bu gün (17 may) 414 nümayişçi polis bölmələrinə gətirilib. 2018-ci ilin “inqilabı” günlərində hücuma məruz qalanların ən çoxu aprelin 22-də qeydə alınıb:363 nəfər. Polisin bugünkü intensiv hərəkətlərinə görə, bu rekord yenilənə bilər.

*** 10.42

İrəvanda müxalifətin səhər aksiyası zamanı polis 73 nəfəri polis bölmələrinə aparıb.

Bizim.Media xəbər verir ki, bu haqda informasiyanı “Sputnik Ermənistan” nəşri yayıb.

Qeyd edək ki, səhər saatlarından etibarən İrəvanda vətəndaş itaətsizliyi aksiyaları keçirilir, etirazçılar vaxtaşırı küçələri bağlayır, yürüşlər keçirirlər.

Bizim.Media